လွန်ခဲ့တဲ့နှစ်အတော်ကြာက ကျွန်တော်အင်္ဂလိပ်စာလေ့လာတော့ ရန်ကုန် မောင်ထော်လေးလမ်းက ဆရာဦးသာနိုးရဲ့ သင်တန်းမှာတက်ရောက်ခဲ့ဘူးပါတယ်။ အခြေခံသင်တန်းမှာ လူပြည့်နေလို့စာရင်းသွင်းလို့မရပါဘူး။ လစဉ်ကြေးမများလှတဲ့ဆရာ့အတန်းတွေမှာအမြဲလူပြည့်နေတတ်လို့ အချိန်အတော်စောစောထဲကကြိုတင်စာရင်းသွင်းနိုင်ကာမှတော်ကာကျတာကလား။
အဲဒီတုံးက အလယ်အလတ်အဆင့် Intermediate မှာ စာရင်းသွင်းခွင့်ရပါတယ်။
ဒါပေမယ့် ခုံနေရာမရလို့ နောက်ဆုံးတန်းထောင့်နားကသစ်သားသေတ္တာလေးပေါ်မှာ
ထိုင်ပြီးသင်ယူခဲ့ရပါတယ်။ (ဆရာ့ကျောင်းမှာ ကိုယ့်ခုံနံပါတ်နဲ့ကိုယ်ထိုင်ကြရပါတယ်) အင်္ဂလိပ်စာကို စကားပြေပုံစံတွေ၊ ကဗျာတွေသင်ကြားပါတယ်။ ဆရာ့ရဲ့သင်ကြားမှုစာစဉ်မှာ ထူးခြားတာက Yangon ရန်ဂုံလို့မပေါင်းဘဲ Yankoun ရန်ကုန်လို့ပေါင်းထားတာ စာမျက်နှာတွေရဲ့ Header သို့ Footer မှာတွေ့ရပါတယ်။ ဆရာပြောနေကြ Well...well..well...ဆိုတဲ့ (Nasal နှာခေါင်းသံပါတဲ့) ဆရာ့အသံကို မမေ့သေးပါဘူး။ အပါတ်စဉ်တိုင်း လေ့ကျင့်ခန်းတွေလုပ်ပြီး ဆရာ့ဆီမှာတင်ရပါတယ်။ လေ့ကျင့်ခန်းစာအုပ်တွေဆရာစစ်ပြီးချိန်မှာ ကျွန်တော့်ရလာဒ်တွေက တခါတရံ လှပပေမယ့် များသောအားဖြင့် မှင်နီတွေပြည့်နေတတ်ပါတယ်။ မှတ်မိနေသေးတာက လေ့ကျင့်ခန်းတစ်ခု ကျွန်တော်ဖြေတာ တော်တော်မှားသွားတော့ “ဒီလောက်သင်ထားရဲ့သားနဲ့ ဒီလောက်တောင်မှားရသလား” ဆိုပြီးစာအုပ်မှာရေးမှတ်ပေးထားခဲ့ဘူးပါတယ်။ စာသင်နေရင်းနဲ့ဆရာဟာ လူတွေရဲ့ လူမှုဘဝအဆင်မပြေမှုတွေကိုအခါအားလျော်စွာပြောပြတတ်ပါသေးတယ်။ ဆရာ့ရဲ့ “ထင်းရူးပင်ရိပ်ကဗျာများ” စာအုပ်ဟာ လူငယ်တွေကြားမှာ (အထူးသဖြင့် လူငယ်ကဗျာပိုးတွေကြားမှာ)ရေပန်းစားပါတယ်။ အခု *
ဧရာဝတီ*မှာ ဆရာကြီးဦးတင်မိုးရေးတဲ့ "
မောင်သာနိုး (သို့မဟုတ်) အဖြီးအဖြန်း မကြိုက်သူ" စာကိုဖတ်ရမှ ဆရာ့အကြောင်းတွေ ပိုသိလာရပါတယ်။ အချို့ကူးယူဖော်ပြရရင်...
"အဲဒါဟာ မန်းတက္ကသိုလ် ကျောင်းသားခေါင်းဆောင် နာမည်ကျော် မောင်သာနိုးရဲ့ ရုပ်ပုံလွှာပါပဲ။ အင်္ဂလိပ်စာတတ်တယ်၊ သတ္တိဗျတ္တိရှိတယ်။ မဟုတ်မခံ တော်လှန်ရဲတဲ့စိတ် ရှိတယ်လို့ နာမည်ကြီးတယ်။"
"ကျွန်တော်တို့ သူ့အခန်းထဲဝင်သွားတော့ စာကူးစက်တလုံးနဲ့ သူက `Fighting Peacock´ဆိုတဲ့ အင်္ဂလိပ်လို နံရံကပ်စာစောင် ရေးနေတုန်း။"
"၁၉၆၇ အင်းစိန်ထောင်က နောက်ဆုံးလွတ်ပြီး ရန်ကုန်တက္ကသိုလ် မြန်မာစာ မဟာဝိဇ္ဇာတန်း တက်ပါတယ်။ ကျူတိုရီယယ် သင်တန်းတွေကအစ တချိန်မှ အလွတ်မခံ၊ မှန်မှန်ကျောင်းတက်၊ မှန်မှန်လေ့ကျင့်ခန်းတွေ လုပ်ပါတယ်။ အတန်းခန်းထဲမှာ ဆရာ ဆရာမက စာမေးရင် ကလေးငယ်တယောက်လို လက်ညှိုးးထောင်ပြီး စာဖြေပါတယ်။ မာန်မာန လုံးဝမရှိပါဘူး။"
စိတ်ဝင်စားစရာကောင်းတဲ့ဆရာ့အကြောင်းကို *
ဒီမှာ* ဖတ်လို့ရပါတယ်။
ခေါင်းစဉ်က ဆရာကြီးဦးတင်မိုးရဲ့ခေါင်းစဉ်ပါ။
'DD'
